កាន់តែកក្រើកសង្វៀនទៀតហើយ! គូដណ្ដើមប្រាក់លាន និងគូសងសឹកសប្ដាហ៍នេះ

Pinterest LinkedIn Tumblr +

ព្រឹត្តិការណ៍​ប្រដាល់​ដណ្ដើម​ប្រាក់​លាន​នៅ​លើ​សង្វៀន​ទូរទស្សន៍​ស៊ី​អិន​ស៊ី​នា​រសៀល​ថ្ងៃ​សៅរ៍ ទី​៧ វិច្ឆិកា ចុង​ស​ប្ដា​ហ៍​នេះ ត្រូវ​បាន​អ្នក​រៀបចំ​កម្មវិធី​ដាក់​សុទ្ធ​តែ​អ្នក​ប្រដាល់​ជើង​ខ្លាំង​ឱ្យ​ជួប​គ្នា​ចំនួន​២​គូ ។

ពីរគូរខ្លាំងៗខាងលើគឺកីឡាករ ឈុត សេរី​វ៉ា​ន់​ថង មក​ពី​ក្លិប​រាហូ​កីឡា​ខេត្តបាត់ដំបង ត្រូវ​ជួប​ប្រកួត​ជាមួយ​កីឡាករ អេ​លី​ត សាន់ មក​ពី​ក្លិប​ប៉ែន​កាក់​គុន​ខ្មែរ និង​កីឡាករ លន បញ្ញា មក​ពី​សមាគម​កីឡាប្រដាល់​កង​យោធពលខេមរភូមិន្ទ ប្រកួត​ជាមួយ​កីឡាករ យ៉េន ឌី​ណា មក​ពី​សមាគម​កីឡាប្រដាល់​​ក្រសួង​កសិកម្ម​។

យ៉ាងណាមិញរវាង​ឈុត សេរី​វ៉ា​ន់​ថង និង​អេ​លី​ត សាន់​គេ​សុទ្ធតែ​ជា​អ្នក​ប្រដាល់​ជើង​ខ្លាំង​មានឈ្មោះ​បោះ​សំឡេង​រយៈពេល​ប៉ុន្មាន​ឆ្នាំ​ចុង​ក្រោយ​នេះ​។ពួក​គេ​ធ្លាប់​ប៉ះ​គ្នា​ជា​ច្រើន​លើក​ច្រើន​សា​រួច​មក​ហើយ​គឺ​មាន​ចាញ់​-​ឈ្នះ​ទៅ​វិញ​ទៅ​មក​។​ទោះជា​យ៉ាងណា​លើក​នេះ អ្នកគាំទ្រ​កីឡាប្រដាល់​នៅ​តែ​ចង់​មើល​ការ​ប្រកួត​របស់​កីឡាករ​ទាំង​ពីរ​ដោយ​សារ​តែ​ចង់​ដឹង​ថា អ្នក​ណា​មានសំណាង​ក្លាយជា​ម្ចាស់​ប្រាក់​លាន ។

ចំណែក​ឯមួយគូរទៀតរវាង លន បញ្ញា និង​យ៉េន ឌី​ណា ក៏​ទទួល​ការ​ចាប់អារម្មណ៍​ខ្លាំង​ណាស់​ដែរ ព្រោះ​ពួក​គេ​ទាំង​ពីរ​សុទ្ធតែ​ជា​អ្នក​ប្រដាល់​ជើង​ខ្លាំង​មានបទពិសោធន៍​ប្រកួត​នៅ​លើ​សង្វៀន​យូរ​ឆ្នាំ​មក​ហើយ ។ម្យ៉ាងវិញទៀត លន បញ្ញា ទើបតែ​ដណ្ដើម​បាន​តំណែង​ជា​ម្ចាស់​ខ្សែក្រវាត់​កម្ពុជា សង្វៀន​​គុន​ខ្មែរ​កាលពី​ពេល​ថ្មី​ៗ​ថែម​ទៀត ។​ប៉ុន្តែ​កុំភ្លេច​ថា យ៉េន ឌី​ណា គ្មាន​អ្នក​ណា​ផ្ដួល​គេ​បាន​ដោយ​ងាយ​នោះ​ដែរ ។

Share.

About Author

Leave A Reply