អវត្តមានរបួសរបស់ Neymar អាចនឹងមានបញ្ហាសម្រាប់លោក Pochettino

Pinterest LinkedIn Tumblr +

ខ្សែប្រយុទ្ធ Neymar អាចនឹងត្រូវអវត្តមានរហូតដល់ ៨សប្តាហ៍ឯណោះដោយសាររបួសកជើង ប៉ុន្តែវាបីជាជាវិជ្ជមានសម្រាប់ទាំងកីឡាករ និងក្លឹបរបស់គាត់។

ជាការពិតណាស់រដូវកាលដ៏សុបិន្តអាក្រក់របស់កីឡាករសញ្ចាតិប្រេសុីលបានជួបរឿងអាក្រក់មួយទៀតកាលពីថ្ងៃអាទិត្យ ខណៈដែលខ្សែប្រយុទ្ធ Paris Saint-Germain បានរងរបួសកជើងចំពេលមានព្រិលធ្លាក់ក្រោយយកឈ្នះក្នុងលទ្ធផល ៣-១ Saint-Etienne។ ក្នុង​ការ​ព្យាយាម​គេច​ពី​ការ​រអិល Neymar បាន​ជាន់​ជើង​ខ្សែ​ការពារ ហើយ​កជើង​របស់​គាត់​បាន​បត់​ពី​ក្រោម​គាត់​ក្នុង​លក្ខណៈ​វៀចតែម្តង។

ជាមួយគ្នានេះដែរក្លឹបអ្នកមាននៅបារាំងបានបញ្ជាក់ថា Neymar នឹងអវត្តមានពី ៦ ទៅ ៨ សប្តាហ៍ ដែលមានន័យថាគាត់នឹងមិនមានវត្តមាននៅលើទីលានវិញរហូតដល់ពាក់កណ្តាលខែមករា។ អ្វី​ដែល​ជា​ការ​វាយ​ប្រហារ​ដ៏​សំខាន់​មួយ​ទៀត​ចំពោះ Neymar តំណាង​ឱ្យ​អ្វី​មួយ​នៃ​ការ​រំដោះ​សម្រាប់​លោក Mauricio Pochettino គ្រូ​បង្វឹក PSG។ របួសរបស់កីឡាករវ័យ ២៩ឆ្នាំរូបនេះ នឹងផ្តល់ឱកាសអោយលោក Pochettino នឹងមានពេលពីរបីខែដើម្បីលេងជាមួយប្រព័ន្ធរបស់ PSG ឫដែលអាចត្រូវបានអនុញ្ញាតឱ្យចូលរួមជាមួយ Manchester United នៅរដូវក្តៅក្រោយផងដែរ។

Neymar បានបង្ហោះនៅលើ Instagram ថា “ជាអកុសល ភាពលំបាកទាំងនេះគឺជាផ្នែកមួយនៃជីវិតរបស់ខ្ញុំ” ។ “ឥឡូវនេះ យើងមានតែបន្តទៅមុខទៀតតែប៉ុណ្នោះ ខ្ញុំ​នឹង​ត្រលប់​មក​វិញ​បាន​ល្អ​និង​ខ្លាំង​ជាង​នេះ”។

គួរបញ្ចាក់ថាអតីតកីឡាករបស់ក្រុម Barcelona បានបង្ហាញខ្លួនចំនួន ១៤ ប្រកួតសម្រាប់ PSG ក្នុងរដូវកាលនេះ គាត់បានស៊ុតបញ្ចូលទីត្រឹមតែ ៣គ្រាប់តែនប៉ុណ្ណោះ។

ដកស្រង់ចេញពី៖ Goal

Share.

About Author

Leave A Reply